تم البيع شيفروليه سوبربان بحاله ممتازه موديل 2015

للبيع سياره عائليه جمس طويل سوبربان موديل 2015 نظيف جدا سعودي استخدام حشمه

ماشي 155 الف فقط ويعتبر ممشى قليل جدا على موديله لانه اغلب الوقت واقف في البايكه اخليه لسفريات وطلعات الاهل ..

المكيف ثلج ماشاء الله

انا ثاني مستخدم من الوكاله

الاستماره جديده والفحص جديد والتامين جديد

والمحركات القير والمكينه والدفرنس عالشرط اللهم لك الحمد

ولايوجد تهريب ابداا ولكم احقيه الفحص

بالنسبه للبدي وكااااااااااااله وعلى الفحص

يوجد رش بسيط في الرفرف الامامي الايمن والخلفي الايمن فقط ولايوجد فرق في اللون ولايبان اساسا لكن لابراء الذمه تم ذكرها

المواصفات /

* جير اوتوماتيك وعادي خاصيه التبترونيك

* جنط 18

* كشافات ضباب

* نظام توفير وقود

* تشغيل عن بعد

* حساسات خلفية وامامية

* زجاج كهربائي اوتو

* مرايا كهربائية

* مقاعد بيج

* تخشيب فورميكا

* تحكم دركسون

* مثبت سرعة

* بلوتوث

* عداد الرحلات

* شاشة كبيره

* كاميرا خلفية

* مكيف خلفي مركزي كامل

* فرامل abs

* ارباجات امامية و جانبية

* حساس كفرات

وغيرها من المواصفات المعروفه

الاضافات /

عليه تضليل عازل حراري من شركة درايف 7

4 كفرات طقم جديد نوعيه ممتازه قبل شهر راكبه

تم تغير جميع الفلاتر والزيوت

للمستخدم باذن الله مايحط فيه ريال واحد

شغل وسافر اي مكان تبيه

الموتر باذن الله للمستخدم بيدعيلي

الموتر ممتاز لا اصوات ولا قربعه ولا مشاكل او لمبات في الطبلون او اي شي وهذا من فضل الله سبحانه

والداخليه شبه جديده لاتكسير ولا تشقق ولا اي شي ...

بالمختصر ماامدح سيارتي الا لانها ماشاء الله قليل جدا تحصل بنظافتها

نجي للسوم // سيم  ب 84000 ولم ابيع لانه يسوى اكثر وشوفو السوق النظيف مثله بكم

البيع سمح جدا للجاد والصامل

ماني مستعجل على بيعته اذا ماجاب قيمه كويسه مكانه محفوظ ..

ملاحظه مهمه : سيم من شخص صامل جاء وجربه وفحصه ب 84 الف ولابعت وانا قرريب من البيع رجاء خاص لااحد يسوم باقل من هذي السومه

(( للعلم ياخوان اللي خارج الرياض ومايقدر يجي مافي مشكله بامكاني نقله وشحنه لاي مدينه يرغب فيها الشخص والله يوفق الجميع لما يحبه ويرضاه)))

اليكم الصور واختمو اعجابكم بذكر الله